Jinsi ya Kuandaa Minofu ya Kuku na Mbogamboga - ChefMapishi.

Mahitaji;
Kuku na mbogamboga (unaweza tumia mboga tofauti)

• 350g minofu ya kuku
• Vijiko 2 vya chakula mafuta ya mzaituni
• Kijiko 1 cha chai kitunguu saumu
• Kijiko 1 cha chai tangawizi
• Karoti 1 kubwa
• ½ pilipili hoho nyekundu
• Kikombe 1 maharagwe machanga
• Kikombe 1 uyoga
• ½ kikombe majani ya kitunguu
• ¼ kikombe korosho
• Chumvi na pilipili manga kwa kuonja
• Mbegu za ufuta kunyunyizia juu

Sosi;

• Kijiko 1 cha chakula siki (red wine vinegar)
• Kijiko 1 cha chakula sosi ya soya
• Kijiko 1 cha chakula mafuta ya ufuta
• Kijiko 1 cha chakula kitunguu samu na tangawizi
• Kijiko 1 cha chakula maji ya ndimu

Mpendwa Msomaji, tunakushauri kutumia APP yetu ili kusoma kwa urahisi MAFUNZO UPISHI.  Sasa inapatikana Playstore, ili ku-download BOFYA HAPA.

Maelekezo;

• Twanga kitunguu saumu na tangawizi; kamua maji limao
• Osha, kausha na katakata nyama vipande virefuvirefu. Changanya nyama na kijiko 1 cha chai tangawizi, kijiko 1 cha chai kitunguu saumu, pilipili manga na chumvi kwa kuonja
• Kwenye kibakuli kidogo, changanya viungo vyote vya sosi, weka pembeni
• Katakata mbogamboha vipande virefuvirefu; katakata majani ya kitunguu vipande vidogovidogo
• Kwenye kikaangio katika moto mkali kiasi, chemsha kijiko 1 cha mafuta ya mzaituni
• Ongeza kuku mwenye viungo, kaanga mpaka aive; kama dakika 3-4. (Hakikisha hujazi sana kikaangio, acha kuku aive kwa nafasi. Endapo unatumia kikaangio kidogo, pika nusu nusu)
• Kuku akiiva, hamishia kwenye sahani
• Rudisha kikaangio kwenye moto, ongeza kijiko 1 cha chakula cha mafuta yaliyobakia katika moto wa juu kiasi. Ongeza karoti na maharagwe machanga, pika kwa dakika 1 hadi 2
• Ongeza uyoga na pilipili hoho. Pika kwa dakika moja nyingine (au mpaka ziive kama unavyopenda wewe)
• Rudisha kuku kwenye kikaango, changanya vizuri
• Mimina mchanganyiko wa sosi
• Ongeza korosho na majani ya kitunguu, pika kwa sekunde kama 30
• Ipua, nyunyizia mbegu za ufuta. Pakua cha moto

Burudika sasa!!

Mpendwa Msomaji, tunakushauri kutumia APP yetu ili kusoma kwa urahisi MAFUNZO UPISHI.  Sasa inapatikana Playstore, ili ku-download BOFYA HAPA.